الإصدار 2.4٧ أكتوبر ٢٠٢٦
تأكيد الواتساب صار بلغة ضيفك ويدلّه على مكانك
رسالة تأكيد التذكرة على الواتساب صارت توصل لضيفك بلغته، عربي أو إنجليزي، ومعها رابط قوقل ماب يوديه لمكان فعاليتك على طول. وما تحتاج تسوي أي شي.
- الضيوف اللي لغتهم إنجليزي صار يوصلهم تأكيد الواتساب بالإنجليزي، والباقي يوصلهم بالعربي.
- التأكيد صار فيه رابط قوقل ماب لمكان فعاليتك إذا كان موقعك محدد على قوقل ماب، عشان ضيفك يفتح الاتجاهات بضغطة وحدة.
- الفعاليات الأونلاين أو اللي موقعها ما تحدد للحين يوصلها التأكيد بدون رابط خريطة، عشان ما يروح ضيفك لمكان غلط.
متى يظهر رابط الخريطة؟
- اخترت المكان من بحث قوقل: الرابط يفتح نفس المكان على قوقل ماب، باسمه وصوره والاتجاهات له.
- حددت دبوس بالإحداثيات أو برابط قوقل ماب: الرابط يحط دبوس على نفس النقطة بالضبط، وهذا مفيد للكشتات والمنتزهات والأماكن اللي ما لها صفحة على قوقل.
- الفعالية أونلاين أو الموقع ما تحدد للحين: يوصل التأكيد بالتذكرة والتفاصيل، بس بدون رابط خريطة.
تبي ضيوفك يوصلهم رابط الخريطة؟
لما تحدد موقع فعاليتك، اختر المكان من بحث قوقل، أو الصق إحداثياته أو رابطه من قوقل ماب.